05 Aug

100 ചോദ്യങ്ങള്‍ ഉത്തരങ്ങള്‍

100 ചോദ്യങ്ങള്‍ ഉത്തരങ്ങള്‍

ചോദ്യങ്ങള്‍

1. സഹകരണ സംഘങ്ങളിലൂടെ ഒരു പ്രദേശത്തിന്റെ മുഴുവന്‍ വികസനം ലക്ഷ്യമിട്ട് ദേശീയ സഹകരണ വികസന കോര്‍പ്പറേഷന്‍ ( എന്‍.സി.ഡി.സി ) തയാറാക്കിയ പദ്ധതി ഏത് ?

2. കേരളത്തിലെ പ്രാഥമിക കാര്‍ഷിക വായ്പാ സംഘങ്ങളിലെ നിക്ഷേപ – വായ്പാ അനുപാതം എത്ര ശതമാനമാണ് ?

3. വായ്പാ സംഘങ്ങളുടെ യഥാര്‍ഥ പ്രവര്‍ത്തന ലക്ഷ്യമെന്താണ് ?

4. ‘എനിക്കുമുണ്ടായിരുന്നു ഒരു സ്വപ്നം’ എന്ന ആത്മകഥ ആരുടെതാണ് ?

5. ക്ഷീരദിനമായി ആചരിക്കുന്നത് ആരുടെ ജന്മദിനമാണ് ?

6. ലോകത്തെ ഏറ്റവും സമ്പന്നന്‍ എന്ന പദവി ഇലോന്‍ മസ്‌കില്‍ നിന്നു ഈയിടെ തിരിച്ചുപിടിച്ചതാര് ?

7. 2019 ലെ കേരള സാഹിത്യ അക്കാദമി വിശിഷ്ടാംഗത്വത്തിനു അര്‍ഹയായ എഴുത്തുകാരി ?

8. 2002 ല്‍ നിയോഗിക്കപ്പെട്ട വൈ.കെ. അലാഗ് കമ്മിറ്റിയുടെ പ്രാധാന്യമെന്ത് ?

9. അമുലിന്റെ കഥ പറയുന്ന ‘മന്ഥന്‍ ‘ എന്ന സിനിമ സംവിധാനം ചെയ്തതാര് ?

10. കോവിഡ് – 19 ന്റെ നിയന്ത്രണം ലക്ഷ്യമിട്ട് ദേശീയ ഇന്‍ഫോര്‍മാറ്റിക്‌സ് സെന്റര്‍ വികസിപ്പിച്ച
മൊബൈല്‍ ആപ്പിന്റെ പേര് ?

11. ഭൂമിയില്‍ സ്ഥിതി ചെയ്യുന്ന ഒരു വസ്തുവിന്റെ സ്ഥാനം , ഗതി , കൃത്യമായ സമയം എന്നിവ
കൃത്രിമോപഗ്രഹങ്ങളുടെ സഹായത്താല്‍ കണ്ടെത്തുന്ന സംവിധാനത്തെ എന്തു വിളിക്കും ?

12. കടലില്‍ മീന്‍ പിടിക്കാന്‍ പോകുന്ന തൊഴിലാളികള്‍ക്കു മീനിന്റെ ലഭ്യതയെയും കാലാവസ്ഥാ വ്യതിയാനങ്ങളെയും സുനാമി, ചുഴലിക്കാറ്റ് തുടങ്ങിയ ദുരന്തങ്ങളെയും കുറിച്ചുള്ള ശരിയായ വിവരങ്ങള്‍ അപ്പപ്പോള്‍ എത്തിക്കുന്നതിനുള്ള സംവിധാനം ?

13. കലിഗ്രഫി എന്ന വാക്കിന്റെ അര്‍ഥം ?

14. ഇന്ത്യയിലെ ഏറ്റവും നീളം കൂടിയ ട്രെയിനിന്റെ പേര് ?

15. കേരളത്തിലെ നെയ്ത്തുപട്ടണം എന്നറിയപ്പെടുന്ന പ്രദേശമേത് ?

16. 2019-20 ലെ മികച്ച പ്രവര്‍ത്തനത്തിനുള്ള സംസ്ഥാന സര്‍ക്കാരിന്റെ സ്വരാജ് ട്രോഫി നേടിയ ഗ്രാമപ്പഞ്ചായത്ത് ഏത് ?

17. കേരളത്തിനു പുറമേ വേഴാമ്പല്‍ ഔദ്യോഗിക പക്ഷിയായ മറ്റൊരു സംസ്ഥാനം ?

18. 2020 ല്‍ ബുക്കര്‍ സമ്മാനം നേടിയ എഴുത്തുകാരന്‍ ?

19. ‘കേരള സോക്രട്ടീസ്’ എന്നറിയപ്പെടുന്നതു ആര് ?

20. കേരളത്തിലെ ആദ്യത്തെ പ്രതിപക്ഷ നേതാവ് ?

21. കറന്‍സിയുടെ നിയമപരമായ നിലനില്‍പ്പ്് എടുത്തുകളയുന്നതിനെ എന്തു വിളിക്കും ?

22. യോനോ സിസ്റ്റം ആരംഭിച്ചത് ഏതു ബാങ്കാണ് ?

23. മനുഷ്യനിയന്ത്രണമില്ലാത്ത ( un manned ) കാഷ് പേയ്മെന്റിനെ എന്തു വിളിക്കും ?

24. ‘കൃഷിക്കാരുടെ പുരോഗതി ഉപഭോക്താവിന്റെ സംതൃപ്തിയിലൂടെ’ എന്നതു ആരുടെ ദൗത്യമാണ് ?

25. ആദ്യത്തെ ലോക ഭക്ഷ്യ സമ്മാനം ആര്‍ക്കായിരുന്നു ?

26. സി.വി.വി.യുടെ മുഴുവന്‍ രൂപം ?

27. ഒരു നിശ്ചിത പരിധിവരെ ഉടന്‍ പേയ്മെന്റ് നിര്‍വഹിക്കുന്ന സംവിധാനത്തെ എന്തു വിളിക്കും ?

28. പങ്കാളിത്ത ബിസിനസ് സ്ഥാപനത്തില്‍ ബിസിനസ്സില്‍ ശ്രദ്ധിക്കാത്ത പാര്‍ട്ണറെ എന്തു വിളിക്കും ?

29. സബ്സിസ്റ്റന്‍സ് അലവന്‍സ് നിഷേധിക്കപ്പെടുന്ന സഹകരണ ജീവനക്കാരനു അപ്പീലിനു പോകാവുന്ന അതോറിറ്റി ?

30. ഡബിള്‍ ലോക്കറ്റ് സിസ്റ്റം പൊതുവായി പിന്‍തുടരുന്ന സൊസൈറ്റി ഏത് ?

31. പാര്‍ട്ടിസിപ്പേറ്റിങ് ഫൈനാന്‍സിങ്ങിനെ വിളിക്കുന്ന മറ്റൊരു പേര് ?

32. കേരള റിസ്‌ക് ഫണ്ട് പ്രൊജക്ട് എന്നാണാരംഭിച്ചത് ?

33. പ്രാഥമിക കാര്‍ഷിക സഹകരണ ബാങ്കിന്റെ ഭരണസമിതിയില്‍ വനിതാ പ്രതിനിധികളുടെ എണ്ണമെത്ര ?

34. അപ്പെക്സ് , സെന്‍ട്രല്‍ സൊസൈറ്റികളിലെ ഉദ്യോഗാര്‍ഥികളുടെ പ്രായപരിധി ?

35. അബ്‌സോര്‍പ്ഷന്‍ കോസ്റ്റിങ്ങിനുള്ള മറ്റൊരു പേര് ?

36. സഹകരണ സൊസൈറ്റിയുടെ ഉദ്ദേശ്യത്തെപ്പറ്റി കെ.സി.എസ്. ആക്ടില്‍ എത്രാമത്തെ വകുപ്പിലാണു പറയുന്നത് ?

37. സര്‍പ്ലസ് ഫണ്ടിന്റെ ഇന്‍വെസ്റ്റ്മെന്റ് ആരുടെ ചുമതലയാണ് ?

38. സൊസൈറ്റി ജീവനക്കാരുടെ ക്ഷേമത്തിനു വേണ്ടി രൂപവത്കരിച്ച പ്രൊവിഡന്റ് ഫണ്ട് ?

39. ഓഡിറ്റ് ഫീസ് ഇനത്തില്‍ നിന്നൊഴിവാക്കാന്‍ വായ്പാ സംഘത്തിനു പ്രവര്‍ത്തന മൂലധനം എത്രയുണ്ടായിരിക്കണം ?

40. നോമിനല്‍ / അസോസിയേറ്റ് മെമ്പര്‍ക്ക് വോട്ടവകാശമില്ലെന്നു പ്രതിപാദിക്കുന്ന സെക്ഷന്‍ ഏത് ?

41. സ്വാതന്ത്ര്യ സമര ചരിത്രത്തിലെ ഉജ്വല സ്മരണയായ ഇന്ത്യന്‍ നാവിക കലാപം നടന്നതെപ്പോള്‍ ?

42. ക്രെഡിറ്റര്‍ഷിപ്പ് സെക്യൂരിറ്റീസ് എന്നു വിളിക്കുന്നത് ഏതിനെയാണ് ?

43. അര്‍ബന്‍ ബാങ്കിന്റെ ഭരണസമിതിയില്‍ പ്രൊഫഷണല്‍ യോഗ്യതയുള്ളവരെ നിയമിക്കുന്നതിനെക്കുറിച്ച് പ്രതിപാദിക്കുന്ന വകുപ്പ് ?

44. ഭാവികാല തീരുമാനങ്ങള്‍ക്കു പ്രസക്തിയില്ലാത്ത കോസ്റ്റ് ?

45. ക്ലറിക്കല്‍ എറേഴ്സിനെ മറ്റൊരു പേരിലും വിളിക്കും. എന്താണാ പേര് ?

46. ആസ്തികള്‍ക്കു കുറഞ്ഞ മൂല്യവും ബാധ്യതകള്‍ക്കു കൂടുതല്‍ മൂല്യവും കൊടുക്കുന്ന കരുതലിനെ എന്തു വിളിക്കും ?

47. എത്ര രൂപയില്‍ കൂടുതലുള്ള വൗച്ചറുകള്‍ക്കാണു റവന്യൂ സ്റ്റാമ്പ് പതിക്കേണ്ടത് ?

48. കണ്‍കറന്റ് ഓഡിറ്ററുടെ ശമ്പളവും മറ്റാനുകൂല്യങ്ങളും ചേര്‍ത്തു പൊതുവെ എന്തു വിളിക്കും ?

49. തിരഞ്ഞെടുപ്പു തര്‍ക്കം ട്രിബൂണലില്‍ ഫയല്‍ ചെയ്യുമ്പോള്‍ അടക്കേണ്ട ഫീസ് എത്ര ?

50. സംഘത്തിലെ ചീഫ് എക്സിക്യൂട്ടീവ് ഓഫീസര്‍ വിരമിക്കുമ്പോള്‍ നോണ്‍ ലൈബിലിറ്റി സര്‍ട്ടിഫിക്കറ്റ് കൊടുക്കുന്നതാര് ?

51. ഓഡിറ്ററുടെ യോഗ്യത പ്രതിപാദിക്കുന്ന ചട്ടം ഏത് ?

52. അന്വേഷണം നടത്താന്‍ മൊത്തം എത്ര അംഗങ്ങളുടെ അപേക്ഷ വേണം?

53. പ്രൊഫഷണല്‍ എഡ്യൂക്കേഷന്‍ ഫണ്ടിന്റെ കസ്റ്റോഡിയന്‍ ആരാണ് ?

54. രജിസ്ട്രാര്‍ക്കു ഭരണസമിതിയെ പിരിച്ചുവിടാന്‍ സാധിക്കാത്ത സൊസൈറ്റികള്‍ ഏതാണ് ?

55. പ്രധാന്‍മന്ത്രി സുരക്ഷ ഭീമ യോജന ( PMSBY ) എന്നാലെന്താണ് ?

56. വായ്പക്കാരനു മോര്‍ട്ട്ഗേജ് ലോണിന്റെ തോതു നിശ്ചയിക്കുന്നതു ഏതിന്റെ അടിസ്ഥാനത്തിലാണ് ?

57. കണ്‍സ്യൂമര്‍ ബാങ്കിങ്ങിനെ വിളിക്കുന്ന മറ്റൊരു പേര് ?

58. പേപ്പര്‍ലെസ് ബാങ്കിനെ എന്തു വിളിക്കും ?

59. കോയിന്‍ വാര്‍ രജിസ്റ്ററിന്റെ കസ്റ്റോഡിയന്‍ ആര് ?

60. പന്ത്രണ്ടാം പഞ്ചവത്സര പദ്ധതിയുടെ ( 2012 – 17 ) പ്രധാന ലക്ഷ്യം എന്തായിരുന്നു ?

61. മള്‍ട്ടി കറന്‍സി ആവശ്യത്തിനു വേണ്ടി ഡീല്‍ ചെയ്യുന്ന മാര്‍ക്കറ്റ് ഏത് ?

62. കറന്‍സിനോട്ട് പുറപ്പെടുവിക്കാനുള്ള കുത്തകാധികാരത്തെപ്പറ്റി ആര്‍.ബി.ഐ. എത്രാമത്തെ വകുപ്പിലാണു പറയുന്നത് ?

63. കാഷ് ക്രെഡിറ്റ് ഏതുതരം വായ്പയാണ് ?

64. കെ.സി.എസ്. ആക്ടിലെ വകുപ്പ് 66 ( ബി ) എന്തിനെപ്പറ്റിയാണു പ്രതിപാദിക്കുന്നത് ?

65. ഒരു ദിവസം മുതല്‍ പതിന്നാലു ദിവസം വരെ നല്‍കുന്ന വായ്പയെ എന്തു വിളിക്കും ?

66. കുടിശ്ശികക്കാരന്റെ ഷെയര്‍ , പ്രോപ്പര്‍ട്ടി എന്നിവ അറ്റാച്ച് ചെയ്യുന്ന കെ.സി.എസ്. ആക്ടിലെ ചട്ടം ഏത് ?

67. കെ.സി.എസ്. ആക്ടിലെ വകുപ്പ് 30 , ചട്ടം 36 എന്താണു പറയുന്നത് ?

68. ലോകത്തു ആദ്യത്തെ വിജയകരമായ ഹൃദയമാറ്റ ശസ്ത്രക്രിയ നടത്തിയതാരാണ് ?

69. കാഷ് പേയ്മെന്റ് നിര്‍വഹിക്കുന്ന എഴുതിപ്പിടിപ്പിച്ച തെളിവ് എന്താണ് ?

70. കേരളത്തിലെ ആദ്യത്തെ കയര്‍ഗ്രാമം ഏത് ?

71. ഇന്ത്യയിലെ ആദ്യത്തെ സഹകരണ ആക്ട് എന്നാണു പാസായത് ?

72. സര്‍ക്കിള്‍ കോ-ഓപ്പറേറ്റീവ് യൂണിയന്റെ ക്വാറം എത്രയാണ് ?

73. ‘ദ ബാങ്കര്‍ ടു എവരി ഇന്ത്യന്‍ ‘ ആരുടെ മുദ്രാവാക്യമാണ് ?

74. സഹകരണ തത്വങ്ങള്‍ എങ്ങനെയാണു ഉരുത്തിരിഞ്ഞത് ?

75. ചെക്കിന്റെ പരമാവധി കാലയളവ് എത്ര ?

76. പ്രൈമറി ക്രെഡിറ്റ് സൊസൈറ്റിയില്‍ ക്ലര്‍ക്കിന്റെ സ്ഥിരം നിയമനം നടത്തുന്നതാര് ?

77. മാഗ്‌നറ്റിക് ഡിസ്‌ക്കിന്റെ മറ്റൊരു പേര് ?

78. ഡി.എം.എ. യുടെ മുഴുവന്‍ രൂപം ?

79. കേരള ദിനേശ് ബിഡിയുടെ ശില്‍പ്പി എന്നു വിശേഷിപ്പിക്കുന്നതാരെയാണ് ?

80. ഇന്ററസ്റ്റ് ഓണ്‍ ഡെപ്പോസിറ്റ് എന്താണ് ?

81. ലിക്വിഡ് അസറ്റ് എന്താണ് ?

82. ആദ്യത്തെ സ്റ്റേറ്റ് കോ-ഓപ്പറേറ്റീവ് ആക്ട് പാസാക്കിയത് ഏതു സംസ്ഥാനത്താണ് ?

83. ക്ലോണ്‍ ട്രെയിന്‍ എന്നാലെന്ത് ?

84. ‘ദ ടേസ്റ്റ് ഓഫ് ഇന്ത്യ ‘ ആരുടെ ബ്രാന്‍ഡാണ് ?

85. ലോക വ്യാപാര സംഘടനയെ ( WTO ) നയിക്കാന്‍ ഈയിടെ നിയുക്തയായ വനിതാ ഡയരക്ടര്‍ ജനറല്‍ ആര് ?

86. ഓട്ടോണമി ആന്റ് ഇന്‍ഡിപെന്‍ഡന്‍ഡ് എത്രാമത്തെ സഹകരണ തത്വമാണ് ?

87. ക്രിസ്ത്യന്‍ സോഷ്യലിസ്റ്റ് എന്നറിയപ്പെടുന്നതാര് ?

88. ക്രിബ്‌കോ ( KRIBHCO ) യുടെ ആസ്ഥാനം എവിടെയാണ് ?

89. സെല്‍ഫ് ഹെല്‍പ് ഗ്രൂപ്പ് ആരംഭിച്ച കേരളത്തിലെ ആദ്യത്തെ ജില്ല ?

90. കേരളത്തില്‍ അക്ഷയ പ്രോഗ്രാം ആദ്യമായി ആരംഭിച്ചതെവിടെയാണ് ?

91. ബ്ലൂ ചിപ്പ് സെക്യൂരിറ്റീസ് എന്നതുകൊണ്ടുദ്ദേശിക്കുന്നതു എന്താണ് ?

92. ‘പെര്‍ പ്രോ’ എന്ന വാക്കു കൊണ്ടുദ്ദേശിക്കുന്നതു എന്താണ് ?

93. സഹകരണ ബാങ്ക് സംഭാവന കൊടുക്കുന്നതു എവിടെ നിന്നാണ് ?

94. ഏഷ്യാ ഭൂഖണ്ഡത്തിലെ ആദ്യത്തെ സ്റ്റോക്ക് എക്സ്ചേഞ്ച് ഏതാണ് ?

95. ബോണ്ടിനു താരതമ്യേന ഉയര്‍ന്ന റിട്ടേണ്‍ കിട്ടുമെങ്കിലും സുരക്ഷിതത്വത്തിനു ഒരുറപ്പുമില്ലാത്ത ബോണ്ട് ഏതാണ് ?

96. ‘ സറണ്ടര്‍ വാല്യൂ’ ഏതു ഇന്‍ഷുറന്‍സുമായി ബന്ധപ്പെട്ടതാണ് ?

97. ഇന്‍ഷുറന്‍സ് പരിഷ്‌കാരങ്ങളുമായി ബന്ധപ്പെട്ട കമ്മിറ്റി ഏതാണ് ?

98. ‘ ഫാമിലിസ്റ്റര്‍ കോളനി ‘ ഫ്രാന്‍സില്‍ ആരംഭിച്ചതാരാണ് ?

99. തമിഴ്‌നാടിന്റെ ഔദ്യോഗിക പക്ഷിയും വൃക്ഷവും ഏതാണ് ?

100. സഹകരണ സൊസൈറ്റിയുടെ ഭരണഘടന ഏതാണ് ?

ഉത്തരങ്ങള്‍

 

1. സഹകരണ വികസന പദ്ധതി
2. 68 ശതമാനം
3. നിക്ഷേപകര്‍ക്ക് പരമാവധി പലിശ നല്‍കുക എന്നതല്ല മറിച്ച് വായ്പക്കാര്‍ക്കു പരമാവധി
കുറഞ്ഞ പലിശ നിരക്കില്‍ വായ്പ നല്‍കുക എന്നതാണ്
4. ഡോ. വര്‍ഗീസ് കുര്യന്‍
5. ഡോ. വര്‍ഗീസ് കുര്യന്‍
6. ആമസോണ്‍ സ്ഥാപകന്‍ ജെഫ് ബെസോസ്
7. പി. വത്സല
8. ഇന്ത്യയില്‍ ഉല്‍പ്പാദനക്കമ്പനി എന്ന ബിസിനസ് രൂപം കമ്പനിനിയമത്തില്‍ രജിസ്റ്റര്‍ ചെയ്യാം എന്നു ശുപാര്‍ശ ചെയ്തു
9. ശ്യാം ബനഗല്‍. 1976 ല്‍ അഞ്ച് ലക്ഷം ക്ഷീരകര്‍ഷകര്‍ ചേര്‍ന്നാണു ഈ സിനിമ നിര്‍മിച്ചത്.
10. ആരോഗ്യ സേതു. 2020 ഏപ്രില്‍ രണ്ടിനാരംഭിച്ച ഈ ആപ്പ് 12 ഭാഷകളിലുണ്ട്.
11. ഉപഗ്രഹാധിഷ്ഠിത ഗതിനിര്‍ണയ സംവിധാനം
12. നാവിക് സംവിധാനം
13. ഭംഗിയുള്ള കൈപ്പട
14. ശേഷ്‌നാഗ്. 2.8 കി. മീറ്ററാണ് ഈ ചരക്കുവണ്ടിയുടെ നീളം. 2020 ജൂലായില്‍ ശേഷ്‌നാഗ് ആദ്യമായി ഓടിച്ചത്
സൗത്ത് ഈസ്റ്റ് സെന്‍ട്രല്‍ റെയില്‍വേയിലെ ബിലാസ്പൂര്‍ ഡിവിഷനിലാണ്.
15. ബാലരാമപുരം
16. കണ്ണൂര്‍ ജില്ലയിലെ പാപ്പിനിശ്ശേരി ഗ്രാമപ്പഞ്ചായത്ത്
17. അരുണാചല്‍ പ്രദേശ്
18. സ്‌കോട്ടിഷ് – അമേരിക്കന്‍ എഴുത്തുകാരനായ ഡഗ്ലസ് സ്റ്റുവര്‍ട്ട്. ഷഗ്ഗി ബെയിന്‍ എന്ന നോവലിനായിരുന്നു പുരസ്‌കാരം.
19. കേസരി ബാലകൃഷ്ണപിള്ള
20. പി.ടി. ചാക്കോ
21. ഡി മോണിറ്റൈസേഷന്‍
22. എസ്.ബി.ഐ.
23. എ.ടി.എം
24. മില്‍മ
25. ഡോ. എം.എസ്. സ്വാമിനാഥന്. 1960 കളില്‍ ഇന്ത്യയില്‍ അത്യുല്‍പ്പാദനശേഷിയുള്ള ഗോതമ്പ്, നെല്ല് എന്നിവ
വികസിപ്പിക്കാന്‍ നേതൃത്വം നില്‍കിയതിനായിരുന്നു പുരസ്‌കാരം.
26. കാര്‍ഡ് വെരിഫിക്കേഷന്‍ വാല്യൂ
27. ടെല്ലര്‍ സിസ്റ്റം
28. സ്ലീപ്പിങ് / ഡോര്‍മെന്റ് പാര്‍ട്ട്ണര്‍
29. ലേബര്‍ കോര്‍ട്ട്
30. പി.എ.സി.എസ്. ( Primary Agricultural Credit society )
31. കണ്‍സോര്‍ഷ്യം ബാങ്കിങ്
32. 2008
33. മൂന്ന്
34. അമ്പതു വയസ്
35. ഫുള്‍ കോസ്റ്റിങ്
36. വകുപ്പ് നാല്
37. മാനേജിങ് കമ്മിറ്റിയുടെ
38. കോണ്‍ട്രിബ്യൂട്ടറി പ്രോവിഡന്റ് ഫണ്ട്
39. 2000 രൂപയില്‍ കൂടുതലാകരുത്
40. സെക്ഷന്‍ 20 (ബി)
41. ബ്രിട്ടീഷ് ഇന്ത്യന്‍ നാവിക സേനയിലെ ഇന്ത്യക്കാര്‍ നടത്തിയ ഈ പ്രക്ഷോഭം 1946 ഫെബ്രുവരി 18 നു
ബോംബെയിലാണു തുടങ്ങിയത്. 20,000 നാവികര്‍ പങ്കെടുത്ത കലാപം ഒരാഴ്ചക്കുള്ളില്‍ ബ്രിട്ടീഷ് സര്‍ക്കാര്‍ അടിച്ചമര്‍ത്തി.
42. ഡിബഞ്ചേഴ്സ്
43. 28 എ.എ.
44. സങ്ക് കോസ്റ്റ് ( Sunk Cost )
45. ടെക്നിക്കല്‍ എറേഴ്സ്
46. സീക്രട്ട് റിസര്‍വ്
47. 5000 രൂപ
48. ഓഡിറ്റ് കോസ്റ്റ്
49. രണ്ടായിരം രൂപ
50. മാനേജിങ് കമ്മിറ്റി
51. ചട്ടം 64 (എ)
52. 1/3 ഭാഗം അംഗങ്ങളുടെ
53. രജിസ്ട്രാര്‍
54. സര്‍ക്കാര്‍ സഹായം ലഭിക്കാത്ത സൊസൈറ്റികള്‍
55. അപകട ഇന്‍ഷുറന്‍സ് സ്്കീം
56. വാല്യുവേഷന്‍ സര്‍ട്ടിഫിക്കറ്റ്
57. റീട്ടെയില്‍ ബാങ്കിങ്
58. ഇ.എഫ്.റ്റി (electronic fund transfer)
59. കാഷ്യര്‍
60. സുസ്ഥിര വികസനം
61. ഫോറക്‌സ് മാര്‍ക്കറ്റ് (forex market )
62. സെക്ഷന്‍ 22
63. അഡ്വാന്‍സ്
64. സസ്പെന്‍ഷല്‍ ഓഫ് ഓഫീസേഴ്സ്
65. മണി അറ്റ് കോള്‍
66. റൂള്‍ 80
67. സ്പെഷ്യല്‍ ജനറല്‍ ബോഡി
68. ഡോ. ക്രിസ്റ്റ്യന്‍ ബര്‍ണാഡ്. 1967 ല്‍. ദക്ഷിണാഫ്രിക്കയില്‍.
69. വൗച്ചര്‍
70. വയലാര്‍
71. 1904 മാര്‍ച്ച് 25
72. എട്ട്
73. എസ്.ബി.ഐ.
74. നാല് ഘട്ടങ്ങളായി
75. മൂന്നു മാസം
76. കോ-ഓപ്പറേറ്റീവ് സര്‍വീസ് എക്സാമിനേഷല്‍ ബോര്‍ഡ്
77. ഹാര്‍ഡ് ഡിസ്‌ക്
78. ഡയരക്ട് മെമ്മറി ആക്‌സസ്
79. ജി.കെ.പണിക്കര്‍
80. റവന്യൂ ഇന്‍കം
81. പ്ലോട്ടിങ് അസറ്റ്
82. ബോംബെ സംസ്ഥാനം
83. തിരക്കേറിയ ട്രെയിനിനു മുന്നില്‍ അതേ റൂട്ടില്‍ മറ്റൊരു സര്‍വീസ് ഓടിക്കുന്നതിനെ ക്ലോണ്‍ ( Clone ) ട്രെയിന്‍ എന്നു വിളിക്കുന്നു
84. അമുല്‍
85. നൈജീരിയക്കാരിയായ എന്‍ഗോസി ഒകോന്‍ജോ ഇവേല. 66 വയസ്സുള്ള
ഇവര്‍ സാമ്പത്തിക ശാസ്ത്രജ്ഞയും നൈജീരിയയിലെ മുന്‍ ധനമന്ത്രിയുമാണ്.
86. നാലാമത്തെ
87. വില്യം കിംഗ്
88. ഉത്തര്‍പ്രദേശ്
89. കണ്ണൂര്‍
90. മലപ്പുറം
91. സ്റ്റോക്ക് എക്സ്ചേഞ്ചില്‍ ലിസ്റ്റ് ചെയ്യപ്പെട്ട ഫസ്റ്റ് ക്ലാസ് ഗവണ്‍മെന്റ് ഓഹരികള്‍
92. ആക്ടിങ് വിത്ത് അതോറിറ്റി
93. കോമണ്‍ ഗുഡ് ഫണ്ട്
94. ബോംബെ
95. ജങ്ക്ബോണ്ട്
96. ലൈഫ് ഇന്‍ഷുറന്‍സ്
97. മല്‍ഹോത്ര കമ്മിറ്റി
98. ആന്ദ്രെ ഗോഡിന്‍
99. ഔദ്യോഗിക പക്ഷി മരതകപ്രാവ്. വൃക്ഷം പന.
100. ബൈലോ

തിരുത്ത്

2021 ഫെബ്രുവരി ലക്കത്തിലെ നൂറാമത്തെ ചോദ്യത്തില്‍ ഒരു പിശകു പറ്റിയിട്ടുണ്ട്. സഹകരണ സംഘത്തിന്റെ
വാര്‍ഷിക പൊതുയോഗത്തെപ്പറ്റി പ്രതിപാദിക്കുന്ന ചട്ടമേത് എന്ന ചോദ്യം വാര്‍ഷിക പൊതുയോഗത്തിന്റെ
നോട്ടീസിനെപ്പറ്റി പ്രതിപാദിക്കുന്ന ചട്ടമേത് എന്നു തിരുത്തി വായിക്കാനപേക്ഷ. ചട്ടം 8 ( എ ) എന്നതാണു ഉത്തരം.

Read also
error: Content is protected !!